சீனாவில் வேகமெடுக்கும் கொரோனா நோய் தொற்று.
சீனா நாட்டில் உகான் என்ற நகரம் அமைந்துள்ளது. இந்த நகரில் தான் உலகில் முதல் கொரோனா நோய் தொற்று உருவானது. பின்னர் அங்கிருந்து உலகம் முழுவதும் பரவி வரலாறு காணாத தாக்கத்தை கொரோனா நோய் தொற்று ஏற்படுத்திவிட்டது. கொரோனா தடுப்பூசி உள்ளிட்ட பல்வேறு தடுப்பு நடவடிக்கைகள் காரணமாக உலக நாடுகள் தற்போது படிப்படையாக கொரோனா நோய்தொற்றிலிருந்து மீண்டு வருகின்றன. இந்நிலையில் சீனா நாட்டில் கடந்த சில நாட்களாக கொரோனா நோய் தொற்றின் எண்ணிக்கையானது தொடர்ந்து அதிகரித்து வருகின்றது.
இங்கு நேற்று 17,909 பேருக்கு கொரோனா நோய் தொற்று உறுதி செய்யப்பட்டுள்ளது. இந்த கொரோனா நோய் தொற்றானது கடந்த சில மாதங்களில் இல்லாத அளவிற்கு அதிக பாதிப்பு ஏற்பட்டுள்ளது. இந்நிலையில் கடந்த 24 மணி நேரத்தில் பாதிப்பு எண்ணிக்கை 20 ஆயிரத்தை தாண்டியுள்ளது என்றும் உள்ளூர் நகரங்களில் 20,199 பேருக்கு கொரோனா நோய் தொற்றின் பாதிப்பு உறுதி செய்யப்பட்டுள்ளது. இதில் 18,576 பேருக்கு அறிகுறி இல்லாத கொரோனா நோய் தொற்று உறுதியாகியுள்ளது. மேலும் இந்த கொரோனா நோய் தொற்றினால் புதிதாக உயிரிழப்புகள் எதுவும் ஏற்படவில்லை என்பது குறிப்பிடத்தக்கது.