குடோனில் தீ விபத்து ஏற்பட்டதால் 3 3/4 லட்ச ரூபாய் மதிப்புள்ள பொருட்கள் எரிந்து நாசமானது.
கடலூர் மாவட்டத்தில் உள்ள மந்தாரக்குப்பம் புதிய பேருந்து நிலையம் பகுதியில் சீனு- ஜகதாம்பாள் தம்பதியினர் வசித்து வருகின்றனர். இவர்கள் தங்களது வீட்டிற்கு முன்பு பழக்கடை நடத்தி வருகின்றனர். இங்குள்ள பழங்களை இருப்பு வைக்கும் குடோன் மந்தாரக்குப்பம் நான்கு முனை சந்திப்பில் அமைந்துள்ளது. கடந்த 6 மாதமாக பயன்பாடு இன்றி பூட்டி வைக்கப்பட்டிருந்த குடோனில் திடீரென தீப்படுத்தி எரிய ஆரம்பித்தது.
இதுகுறித்து அக்கம் பக்கத்தினர் உடனடியாக தீயணைப்பு நிலையத்திற்கு தகவல் தெரிவித்தனர். அதன்படி சம்பவ இடத்திற்கு விரைந்து சென்ற தீயணைப்பு வீரர்கள் குடோனில் பற்றி எரிந்த தீயை அணைத்தனர். ஆனால் குடோனில் இருந்த 3 லட்சத்து 70 ஆயிரம் ரூபாய் மதிப்புள்ள மர ரேக்குகள் தீயில் எரிந்து நாசமானது இதுகுறித்த புகாரின் பேரில் வழக்குபதிவு செய்த போலீசார் தீ விபத்து ஏற்பட்டதற்கான காரணம் பற்றி விசாரணை நடத்தி வருகின்றனர்.