கடந்த இரண்டு வருடங்களாக கொரோனா காரணமாக போட்டி தேர்வுகள் எதுவும் நடைபெறாமல் இருந்த நிலையில் தற்போது பல்வேறு போட்டி தேர்வுகளும் தமிழகத்தில் நடைபெற்று வருகிறது. அந்த வகையில் டிஎன்பிஎஸ்சி போட்டி தேர்வுக்கான அறிவிப்பு வெளியிடப்பட்டு தேர்வுகளும் நடத்தப்பட்டு வருகிறது. அந்த வகையில் டிஎன்பிஎஸ்சி சார்பாக குரூப் 1 முதல் நிலை தேர்வு இன்று நடைபெறுகிறது. இதற்காக மாநிலம் முழுவதும் 38 மாவட்டங்களில் தேர்வு மையங்கள் அமைக்கப்பட்டது.
இந்நிலையில் இன்று குரூப்-1 தேர்வு எழுத தாமதமாக வந்தவர்கள், தேர்வு எழுத அனுமதிக்கப்படாததால் கடும் வேதனையடைந்தனர். குறிப்பாக, காஞ்சிபுரம் மாவட்டம் ஏனாத்தூர் பகுதியில் உள்ள தேர்வு மையத்திற்கு 100க்கும் மேற்பட்டோர் தாமதமாக வந்ததால், அவர்கள் அனுமதிக்கப்படவில்லை. இதனால், அவர்கள் அதிகாரிகளிடம் கெஞ்சியுள்ளனர். ஆனால், அனுமதி மறுக்கப்பட்டதால், கோபத்தில் ஹால் டிக்கெட்டுகளை கிழித்து எறிந்துள்ளனர்.