விஜய் டிவியில் மிகவும் பிரபலமான நிகழ்ச்சிகளில் ஒன்றான பிக் பாஸ் நிகழ்ச்சியின் ஆறாவது சீசன் தற்போது விறுவிறுப்பாக ஒளிபரப்பாகி கொண்டு இருக்கிறது. இந்த நிகழ்ச்சியில் மொத்தம் 21 போட்டியாளர்கள் கலந்து கொண்ட நிலையில் இதுவரை ஜிபி முத்து, நடன இயக்குனர் சாந்தி, அசல் கோளாறு, ஷெரினா, விஜே. மகேஸ்வரி உள்ளிட்டோர் பிக் பாஸ் வீட்டை விட்டு வெளியேற்றப்பட்டுள்ளனர். இந்நிலையில் இந்த வாரம் பிக் பாஸ் நிகழ்ச்சியில் குறைந்த வாக்குகளை பெற்ற போட்டியாளர் நிவாஷினியை கமல்ஹாசன் வெளியேற்றியுள்ளார்.
இந்த வாரம் சிறப்பாக விளையாடாத பல போட்டியாளர்கள் நாமினேஷனில் சிக்கி இருந்தனர். கடைசி இடத்தில் ஆயிஷா மற்றும் நிவாசினிக்கு இடையில் வாக்கெடுப்பில் போட்டி நிலவியது. நிவாஷினி பிக் பாஸ் வீட்டில் எந்த ஒரு பெரிய ஆர்வத்தையும் காட்ட வில்லை. அதனைப் போலவே தனலட்சுமி நன்றாக விளையாடினாலும் அவர் அதிகார நோக்கத்துடன் நடந்து கொள்ளும் விதம் பலருக்கு பிடிக்காமல் இருந்தது. எனவே தனலட்சுமி வெளியேற அதிக வாய்ப்புகள் இருப்பதாக கூறப்பட்ட நிலையில் தற்போது போட்டியாளர் நிவாஷினி பிக் பாஸ் வீட்டை விட்டு வெளியேற்றப்பட்டுள்ளார்.