தமிழ் சினிமாவில் பிரபல நடிகராக வலம் வருபவர் விஜய் சேதுபதி. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் சீனு ராமசாமி இயக்கத்தில் இவர் நடிப்பில் சமீபத்தில் வெளியான திரைப்படம் ”மாமனிதன்”. இந்த படத்தின் காயத்ரி, குரு சோமசுந்தரம் மற்றும் பல நடித்திருந்தனர்.
இளையராஜா மற்றும் யுவன் சங்கர் ராஜா இந்த படத்துக்கு இசையமைத்திருந்தனர். இந்த திரைப்படம் வசூல் ரீதியாகவும் விமர்சன ரீதியாகவும் நல்ல வரவேற்பு பெற்றது. இந்நிலையில், இந்த படத்தை இயக்குனர் சீனு ராமசாமியுடன் இணைந்து மத்திய இணை அமைச்சர் எல்.முருகன் பார்த்துள்ளார்.
படத்தைப் பார்த்துவிட்டு அவர் தனது ட்விட்டர் பக்கத்தில், ”மனிதத்தை வெளிப்படுத்தும் அற்புதமான திரைப்படம் மாமனிதன். இப்படத்துக்கு சர்வதேச விருதுகள் மற்றும் மக்கள் அளித்த வெற்றி என உரிய அங்கீகாரம் கிடைத்துள்ளது. மேலும் இது போன்ற படைப்புகளை உருவாக்க என் மனமார்ந்த வாழ்த்துக்கள்” என பாராட்டி பதிவிட்டுள்ளார்.