உலகம் முழுவதும் கோடிக்கணக்கான பயனர்கள் whatsapp செயலியை பயன்படுத்தி வருகின்றனர். அதனால் தனது பயனர்களின் வசதிக்கு ஏற்றவாறு வாட்ஸ்அப் நிறுவனம் அவ்வபோது பல அப்டேட்டுகளை வழங்கி வருகிறது. இதில் முதலில் 256 பேர் மட்டுமே குரூப்பில் சேர முடியும் என எண்ணிக்கை வரம்பு இருந்தது. அதன் பிறகு 512 ஆக எண்ணிக்கை உயர்த்தப்பட்டது. தற்போது வாட்ஸ் அப் குரூப்பில் 1024 நபர்கள் வரை இணையும் வசதியும் கொண்டுவரப்பட்டுள்ளது.
இதனிடையே பயனர்களின் தனி உரிமை மற்றும் பாதுகாப்பில் மெட்டா நிறுவனம் கவனம் செலுத்தி வருவதால் டைமர் ஆப்ஷன், once view போன்ற அம்சங்கள் அறிமுகம் செய்யப்பட்டுள்ளன. அந்த வரிசையில் தற்போது வாட்ஸ் அப்பில் புதிய வீடியோ பதிவு முறை அமல்படுத்தப்பட உள்ளது. அதாவது வாட்ஸ் அப்பில் ஸ்டேட்டஸ் வைக்கும் போது நீண்ட நேர வீடியோ எடுப்பது பயனர்களுக்கு சிரமமாக இருந்து வந்ததால் அதனை மேம்படுத்த புதிய அப்டேட் வர உள்ளது. அது என்னவென்றால் whatsapp வீடியோ பதிவில் ஷட்டர் பட்டன் போன்ற புதிய ஆப்ஷன் காட்டப்படும். அதனை கிளிக் செய்து எளிதாக இனி வீடியோ எடுத்துக் கொள்ளலாம்.