தமிழ் திரையுலகின் உச்சநட்சத்திரங்களில் ஒருவரான தளபதி விஜய் நடிப்பில் அடுத்து வாரிசு திரைப்படம் வெளியாகவுள்ளது. பெரிய எதிர்பார்ப்பை ஏற்படுத்தி இருக்கும் இந்த படம் வருகிற பொங்கல் பண்டிகையை முன்னிட்டு வெளியாக உள்ளது. இந்த நிலையில் நேற்று விஜய் தன் ரசிகர் மன்ற நிர்வாகிகளுடன் பனையூரில் மீட்டிங் நடத்தி உள்ளார். அப்போது விஜய்-ஐ காண ரசிகர்கள் திரண்டு சென்றனர்.
இதனிடையில் அம்மன்றத்தின் மாநில நிர்வாகியான பூஸ்ஸி ஆனந்தின் காலில் ரசிகர்கள் சிலபேர் விழுந்து ஆசிர்வாதம் வாங்கும் வீடியோவானது இணையத்தில் பரவியது. இதனால் விஜய் நிர்வாகி பூஸ்ஸி ஆனந்தை அழைத்து கூறியதாவது “இது போன்ற நிகழ்வு நடைபெற கூடாது” என்று எச்சரித்தார். மேலும் மற்ற நிர்வாகிகளுக்கும் இப்படி காலில் எல்லாம் அவர்கள் விழக்கூடாது, மக்கள் பணியை நீங்கள் தொடர்ந்து செய்யுங்கள் என விஜய் நோட்டீஸ் அனுப்பியுள்ளார் என்று கூறப்படுகிறது.