சென்னை ராணி மேரி கல்லூரி 104-வது பட்டமளிப்பு விழாவில் தமிழக முதல்வர் ஸ்டாலின் கலந்து கொண்டார். அப்போது பேசிய அவர், பட்டங்களை பெறுபவர்கள் பாடங்களை கற்பதிலிருந்து பாடங்களை உருவாக்கும் அளவுக்கு மாணவர்கள் உயர வேண்டும். கம்பீரமான பாரம்பரியமான பெருமையைக் கொண்டது ராணி மேரி கல்லூரி. இந்தியாவின் முதன்முதலாக தொடங்கப்பட்ட மூன்று மகளிர் கல்லூரிகளில் ஒன்றும், தமிழகத்தில் தொடங்கப்பட்ட முதல் மகளிர் கல்லூரி என்ற பெருமையைக் கொண்டது ராணி மேரி கல்லூரி.
அதனைத் தொடர்ந்து பட்டம் பெரும் நாள் என்பது ஒவ்வொருவரின் வாழ்நாளிலும் மறக்க முடியாத நாளாக இருக்கும். மாணவர்கள் பெற்ற அறிவு அவர்களை மேலும் மேலும் உயர்த்தட்டும். பட்டம் வாங்கினாலும் படிப்பை விடாதீர்கள். பெண்கள் பெயருக்கு பின்னால் பட்டம் இருப்பது அடிப்படை உரிமை என்று அவர் தெரிவித்துள்ளார்.