சென்னை ராயப்பேட்டையில் மியூசிக் அகாடமி அமைந்துள்ளது. இங்குள்ள மெயின் ஹாலில் நவம்பர் 26-ம் தேதி ஸ்ரீ ஆண்டாள் நாடக நடன நிகழ்ச்சி நடைபெற இருக்கிறது. இந்த நிகழ்ச்சியானது கார்த்திக் ராஜாவின் இசையமைப்பு மற்றும் தயாரிப்பில் நடைபெற இருக்கிறது. அதன் பிறகு ஆண்டாள் வரதராஜன் எழுதியுள்ள பாடலை, இசைஞானி இளையராஜா, யுவன் சங்கர் ராஜா, பவதாரணி மற்றும் நிவாஸ் ஆகியோர் பாடியுள்ளனர்.
இவர்களோடு சேர்ந்து பிஎஸ்பிபி பள்ளியின் மாணவர்களும், அவர்களுடைய பெற்றோர்களும் பாடியுள்ளனர். இந்த நிகழ்ச்சி குறித்து இசையமைப்பாளர் கார்த்திக் ராஜா கூறியதாவது, ஆண்டாள் கதையை அழகான நடனத்தின் மூலம் வெளிப்படுத்துவதற்கு நாங்கள் ஆசைப்பட்டோம். மேலும் மிகவும் நன்றாக பாடல் உருவாகியுள்ளது என்று கூறியுள்ளார்.