தளபதி விஜய் தமிழ் சினிமாவில் பிரபல முன்னணி நட்சத்திரமாக வலம் வருகிறார். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வெற்றியடைந்து வருகிறது. தற்போது இவர் இயக்குனர் வம்சி இயக்கத்தில் நடித்து வரும் திரைப்படம் ”வாரிசு”. ராஷ்மிகா மந்தனா கதாநாயகியாக நடிக்கும் இந்த திரைப்படம் தமிழ் மற்றும் தெலுங்கு மொழிகளில் நேரடியாக ரிலீஸ் ஆகவுள்ளது.
இந்த படத்தில் குஷ்பூ, பிரகாஷ்ராஜ், சரத்குமார், யோகி பாபு மற்றும் பலர் முக்கிய கதாபாத்திரத்தில் நடிக்கின்றனர். விறுவிறுப்பாக நடைபெற்று வரும் இந்த திரைப்படம் வரும் பொங்கலன்று ரிலீசாக இருப்பதாக படக்குழு அறிவித்துள்ளது.
இந்நிலையில், வாரிசு படப்பிடிப்பில் பத்திரிக்கையாளர்களுக்கும் படக்குழுவினருக்கும் இடையே மோதல் ஏற்பட்டுள்ளதாக தகவல் வெளியாகியுள்ளது. அதன்படி, படப்பிடிப்பில் உரிய அனுமதி இல்லாமல் யானையை பயன்படுத்தியதாக பத்திரிக்கையாளர்கள் குற்றம் சாட்டினார்களாம்.
இதன் காரணமாக பத்திரிகையாளர்களுக்கும் அங்கு இருந்தவர்களுக்கும் இடையே கைகலப்பு ஏற்பட்டுள்ளது. ஆனால் பத்திரிக்கையாளர்கள் அனுமதி இன்றி படப்பிடிப்பு தளத்தில் நுழைந்து புகைப்படம் எடுத்ததால் தான் மோதல் ஏற்பட்டது எனவும் கூறி வருகின்றனர்.