தமிழகத்தில் நூலகங்கள் வளர்ச்சியை மேம்படுத்துவதற்கு அரசு பல நடவடிக்கைகளை மேற்கொண்டு வருகிறது. அவ்வகையில் புத்தகங்கள் வாசிக்கும் பழக்கத்தை மக்கள் மத்தியில் ஊக்குவிப்பதற்காகவும் நூலகங்கள் சென்று புத்தகங்கள் படிக்க இயலாதவர்களுக்கு வீடுகளுக்கே சென்று நூல்களை வழங்க புதிய திட்டம் செயல்படுத்த அரசு திட்டமிட்டுள்ளது.
அதாவது நூலகங்களுக்கு சென்று புத்தகங்கள் படிக்க இயலாதவர்களுக்காக நூலக நண்பன் என்ற திட்டம் வருகின்ற டிசம்பர் 1ஆம் தேதி சென்னையில் தொடங்கப்பட உள்ளதாக அறிவிக்கப்பட்டுள்ளது. மேலும் மாற்றுத்திறனாளிகள் மற்றும் முதியவர்கள் போன்றவர்கள் நூலகங்களுக்கு சென்று புத்தகங்கள் படிக்க இயலாத நிலையில் இந்த திட்டம் மூலமாக அவர்களின் வீடுகளுக்கு சென்று நூல்கள் வழங்கப்படும் எனவும் அரசு தெரிவித்துள்ளது.