மேஜைபந்து, கம்பு ஊன்றி தாண்டுதல் போட்டியில் தூத்துக்குடி பள்ளி மாணவர்கள் மாநில போட்டிக்கு தகுதி பெற்றுள்ளார்கள்.
தூத்துக்குடி மாவட்ட அளவிலான மேஜைபந்து போட்டி திருச்செந்தூர் டாக்டர் சிவந்தி ஆதித்தனார் உடற்கல்வியியல் கல்லூரியில் நடைபெற்றது. இதில் 17 வயதுக்குட்பட்ட ஒற்றையர் பிரிவில் தூத்துக்குடியில் இருக்கும் புனித பிரான்சிஸ் சேவியர் மேல்நிலைப்பள்ளி மாணவர்கள் நிஷாந்த் முதலிடமும் இரட்டையர் பிரிவில் நிஷாந்த், பிரேம்குமார் உள்ளிட்டோர் முதலிடமும் பிடித்து மாநில போட்டிக்கு தகுதி பெற்றார்கள்.
கோவில்பட்டியில் நடைபெற்ற மாவட்ட அளவிலான தடகளப் போட்டியில் 19 வயதிற்குட்பட்டோர் கம்பு ஊன்றி தாண்டுதல் போட்டியில் தூத்துக்குடி புனித பிரான்சிஸ் சேவியர் மேல்நிலைப்பள்ளி மாணவர் பால்ராஜ் முதலிடம் பிடித்து மாநில போட்டிக்கு தகுதி பெற்றுள்ளார்.