தமிழ் சினிமாவில் பிரபல நடிகராக வலம் வருபவர் சார்லி. இயக்குனர் வினோத் ராஜேந்திரன் இயக்கத்தில் உருவாகும் திரைப்படம் ‘ஃபைண்டர்’. இந்த படத்தில் சார்லி முக்கிய கதாபாத்திரத்தில் நடிக்கிறார். மேலும், இந்த படத்தில் சென்ட்ராயன், கோபிநாத், சங்கர், தாரணி, அபிலாஷ் மற்றும் பலர் நடிக்கின்றனர்.
சூர்ய பிரசாத் இசையமைக்கும் இந்த படத்தை அரபி ப்ரொடக்ஷன் மற்றும் வியான் வென்சர்ஸ் இணைந்து தயாரிக்கிறது. இதனையடுத்து, அமெரிக்காவில் செய்யாத குற்றத்திற்காக நீண்ட காலம் சிறையில் தண்டனை அனுபவிப்பவர்களை கண்டுபிடித்து அவர்களை நிரபராதிகள் என நிரூபிக்கும் மற்றும் அவர்களுக்கு அரசாங்கம் தரும் இழப்பீட்டுத் தொகையை பெற்று தரும் நிறுவனத்தைப் பற்றிய அடிப்படையில் இந்த திரைக்கதை அமைக்கப்பட்டுள்ளது. இந்நிலையில், இந்த படத்தின் படப்பிடிப்பு இன்று பூஜையுடன் தொடங்கியுள்ளது. இந்த படத்தின் படப்பிடிப்பை இரண்டு கட்டமாக நடத்த படக்குழு திட்டமிட்டுள்ளதாக கூறப்படுகிறது.