பிரபல கன்னட நடிகையாக வலம் வருபவர் பவித்ரா லோகேஷ். இவர் தமிழில் வெளியான கௌரவம், க /பேர் ரணசிங்கம், அயோக்யா, வீட்ல விசேஷம் போன்ற திரைப்படங்களில் நடித்துள்ளார். தெலுங்கு நடிகர் நரேஷும் இவரும் திருமணம் செய்து கொள்ள இருப்பதாக சில மாதங்களுக்கு முன்பு செய்திகள் கசிந்தது.
நரேஷ் தமிழில் நெஞ்சத்தை அள்ளித்தா, மாலினி 22 பாளையங்கோட்டை, பொருத்தம் போன்ற திரைப்படங்களில் நடித்திருக்கிறார். சமீபத்தில் இவரும் நடிகை பவித்ராவும் பெங்களூரில் உள்ள ஓட்டலில் இருந்து வெளியே வரும்போது நரேஷின் மூன்றாவது மனைவி இவர்கள் இருவரையும் அடிக்க பாய்ந்த சம்பவம் சில மாதங்களுக்கு முன்னர் பரபரப்பை ஏற்படுத்தியது.
இந்நிலையில், நடிகை பவித்ரா லோகேஷ் ஹைதராபாத்தில் உள்ள சைபர் கிரைம் போலீசில் புகார் அளித்திருக்கிறார். அதில், சில சமூக ஊடகங்கள் என்னை கேலி செய்து ஆபாச கருத்து பதிவிடுகின்றனர். மேலும் மார்பிங் செய்த புகைப்படங்களையும் பகிர்கின்றனர். இது குறித்து காவல்துறையினர் நடவடிக்கை எடுக்க வேண்டும் என குறிப்பிட்டுள்ளார் .