தமிழகத்தில் மின்வாரியம் சார்பாக ஒவ்வொரு மாவட்டங்களிலும் துணை மின் நிலையங்களில் பராமரிப்பு பணிகள் மாதம்தோறும் மேற்கொள்ளப்பட்டு வருகிறது. அப்போது பழுதடைந்த மின் கம்பிகள் மற்றும் மின் பெயர்கள் போன்ற அனைத்தும் மாற்றம் செய்யப்படுகின்றன. அதே சமயம் தெருக்களில் மின்விநியோகத்திற்கு இடையூறாக இருக்கும் உயர்ந்த மரங்கள் மற்றும் அவற்றின் கிளைகள் அனைத்தும் வெட்டப்படுகிறது. இதன் தொடர்ச்சியாக மின் பயனர்களுக்கும் மின்வாரியம் சார்பாக சில பாதுகாப்பான அறிவுரைகள் வழங்கப்பட்டு வருகின்றன.
அவ்வகையில் தமிழகத்தில் மின்கசிவால் ஏற்படும் உயிரிழப்புகளை தடுப்பதற்கு டிரிப்பர் கருவி பொருத்தப்பட வேண்டும் என மின்வாரியம் தெரிவித்துள்ளது. மழைக்காலங்கள் மற்றும் அதிக வெப்பம் நிலவும் காலங்களில் எதிர்பாராத விதமாக சில நேரங்களில் மின்கசிவு ஏற்பட்டு அதனால் பல விபத்துக்கள் நடக்கின்றன. தமிழகத்திலும் இது போன்ற விபத்துக்கள் நடைபெறுவதால் இதனை தவிர்க்கும் விதமாக வீடுகள், கடைகள், தொழில் நிறுவனங்கள், கல்வி நிறுவனங்கள் மற்றும் பண்ணைகள் உள்ளிட்ட அனைத்து பொது இடங்களிலும் மின் நுகர்வோர்கள் கட்டாயம் டிரிப்பர் கருவி பொருத்த வேண்டும் என உத்தரவிடப்பட்டுள்ளது.