சென்ற 2020 பிப்..24ம் தேதி பிரதான காவல் நகா் சாலையில் ஒரு கலவர கும்பல் கற்களை வீசியதாகவும், அருகில் உள்ள வாகன நிறுத்துமிடத்தில் பல்வேறு வாகனங்களுக்கு தீ வைத்ததாகவும் காவலா் சங்ராம் சிங் அளித்த வாக்குமூலத்தின் படி இருவா் மீது காவல்துறையினர் வழக்குப்பதிவு செய்து இருந்தனா்.
இந்நிலையில் உமா் காலித் மற்றும் காலித் சைஃபி போன்றோரை இந்த வழக்கில் கூடுதல் செஷன்ஸ் நீதிபதி புலஸ்த்யா பிரமச்சாலா விடுவித்ததாக சிறப்பு அரசு வழக்கறிஞா் மதுகா் பாண்டே உறுதிப்படுத்தினாா். அதுமட்டுமின்றி இந்த விவகாரத்தில் விரிவான உத்தரவுக்காக காத்திருப்பதாகவும் அவா் தெரிவித்தாா்.
தில்லி வன்முறை குறித்த வழக்கில் நீதிமன்றத்தால் உமா் காலித் விடுவிக்கப்பட்டது பற்றி அவரது தந்தை எஸ்கியூஆா் இல்யாஸ் கூறியதாவது “அல்லாவின் கருணையாலும் மூத்த வழக்குரைஞா் திரிதோ்ப் பைஸ் மற்றும் அவரது குழுவினரின் கடுமையான முயற்சியாலும் உமா் காலித், காலித் சைஃபி இருவரும் தில்லி வன்முறையின் வழக்கு 101ல் இருந்து விடுவிக்கப்பட்டுள்ளனா். பிற வழக்குகளிலும் விடுவிக்கப்படுவாா்கள் என நம்புகிறோம்” என்று அவர் கூறினார்.