தமிழ் தொலைக்காட்சிகளில் சன் டிவியில் ஒளிபரப்பாகும் சீரியல்களுக்கு சிறியவர்கள் முதல் பெரியவர்கள் வரை ரசிகர்கள் பட்டாளம் ஏராளம். ஏனெனில் மதிய வேலைகள் மற்றும் இரவு வேலைகளில் சன் டிவியில் ஒளிபரப்பாகும் சீரியல்களை பார்ப்பதற்காகவே ரசிகர்கள் வேலைகளை முடித்துவிட்டு டிவி முன்பாக அமர்ந்து விடுவார்கள். கடந்த சில நாட்களுக்கு முன்பாக சன் டிவியில் சூப்பர் ஹிட் சீரியலான ரோஜா முடிவுக்கு வந்த நிலையில், தற்போது மற்றொரு ஹிட் சீரியலையும் முடிப்பதற்கு திட்டமிட்டுள்ளதாக கூறப்படுகிறது.
அதாவது இரவு 10 மணிக்கு ஒளிபரப்பாகும் அன்பே வா சீரியலை முடிப்பதற்கு சன் டிவி திட்டமிட்டுள்ளதாக கூறப்படுகிறது. இந்த சீரியலின் கிளைமாக்ஸ் சீன் விரைவில் வரலாம் என்றும் எதிர்பார்க்கப்படுகிறது. இந்த தகவலில் எந்த அளவுக்கு உண்மை இருக்கிறது என்பது தெரியவில்லை. மேலும் ஹிட் சீரியலின் முடிவு குறித்த செய்தியால் ரசிகர்கள் கவலையில் இருக்கிறார்கள்.