தமிழ் சினிமாவில் சதுரங்க வேட்டை என்ற திரைப்படத்தின் மூலம் இயக்குனராக அறிமுகமானவர் எச். வினோத். இவர் அஜித்தை வைத்து 3 படங்கள் இயக்கியுள்ள நிலையில், தற்போது இவர் இயக்கிய துணிவு திரைப்படம் பொங்கலுக்கு ரிலீசாகிறது. இந்த படத்திற்கு பிறகு எச். வினோத் கமல்ஹாசன் உடன் இணைந்து புதிய படம் பண்ணுகிறார் என்று தகவல்கள் வெளியானது. இந்நிலையில் எச். வினோத் சமீபத்திய பேட்டி ஒன்றில், நான் யோகி பாபுவை வைத்து படம் இயக்குவதற்கு திட்டமிட்டுள்ளேன்.
அவரிடம் கதையும் கூறிவிட்டேன். ஆனால் அதுதான் என்னுடைய அடுத்த படமா என்பது சரியாக தெரியவில்லை. அந்தப் படத்தில் யோகி பாபு கதாநாயகனாக நடிக்கிறார். இந்நிலையில் யோகி பாபு ஹீரோவாக நடிக்கும் படத்தில் சின்ன சின்ன திருட்டுகள் செய்யும் திருடன் மற்றும் போலீசை மையமாக வைத்து தான் கதையானது இருக்கும் என்று கூறியுள்ளார். இதன் காரணமாக ரசிகர்கள் மத்தியில் எச். வினோத் மற்றும் யோகி பாபு கூட்டணி குறித்த எதிர்பார்ப்பு அதிகரித்துள்ளது. மேலும் யோகி பாபு ஹீரோவாக நடித்த மண்டேலா திரைப்படம் ரசிகர்கள் மத்தியில் நல்ல வரவேற்பை பெற்றது என்பது குறிப்பிடத்தக்கதாகும்.