நடிகர் விஜய் நடிகைகளை தரக்குறைவாக பேசியதாக சோசியல் மீடியாவில் சர்ச்சை ஏற்பட்டுள்ளது.
தமிழ் சினிமா திரையுலகில் முன்னணி நடிகர்களில் ஒருவராக வலம் வருகின்றார் விஜய். இவர் தனக்கென தனி ரசிகர் பட்டாளத்தையே உருவாக்கியுள்ளார். இத்திரைப்படத்தை வம்சி இயக்க ஸ்ரீ வெங்கடேஸ்வரா சினி கிரியேஷன் தயாரிக்கின்றது. இத்திரைப்படத்தில் விஜய்யுடன் இணைந்து ராஷ்மிகா மந்தனா, ஷாம், சரத்குமார், குஷ்பூ, ஸ்ரீகாந்த், சங்கீதா உள்ளிட்டோர் முக்கிய கதாபாத்திரத்தில் நடிக்கின்றார்கள். பொங்கல் பண்டிகைக்கு இந்த படம் ரிலீஸ் ஆக இருக்கிறது.
இந்த நிலையில் இத்திரைப்படத்தில் நடித்திருக்கும் நடிகர் சாம் அண்மையில் யூடியூப் சேனல் ஒன்றுக்கு பேட்டி அளித்திருந்தார். அப்போது விஜய் குறித்து அவர் பேசும்போது கூறியுள்ளதாவது, குஷி பட சூட்டிங்கில் அடுத்த சூப்பர் ஸ்டார் நீங்கள் தான் என்று கூறுகிறார்கள் என விஜயிடம் கேட்டேன். அதற்கு அவர் கையை மேலே சுட்டிக்காட்டி எல்லாம் ஆண்டவன் செயல் என தெரிவித்தார். இதன் பின் நான் 12b திரைப்படத்தில் ஹீரோவாக அறிமுகமானதும் அண்ணனை சந்தித்தேன். அப்போது அவர் என்னிடம் டேய் என்னடா வரும்போது சிம்ரன், ஜோதிகா ரெண்டு குதிரையோட வர என கேட்டார். அதற்கு நானும் அவர் கூறியதை போலவே மேலே கையை உயர்த்தி எல்லாம் அவன் செயல் என கூறியதாக தெரிவித்துள்ளார். நடிகர் விஜய் நாயகிகளை குதிரையுடன் ஒப்பிட்டதை வைத்து தற்போது சோசியல் மீடியாவில் புதிய சர்ச்சை ஏற்பட்டுள்ளது.