தமிழகத்தில் கடந்த வாரம் புயல் காரணமாக பள்ளி மற்றும் கல்லூரி மாணவர்களுக்கு விடுமுறைகள் அறிவிக்கப்பட்டன. இதனால் கல்லூரி மாணவர்களுக்கு நடைபெற இருந்த செமஸ்டர் தேர்வுகளை நடத்த முடியாமல் போனது. அதன் காரணமாக பல்கலைக்கழகம் விடுமுறை தினத்தன்று நடத்தப்பட இருந்த தேர்வுகளை ஒத்திவைத்தது. அந்த தேர்வுகளுக்கான மாற்றுத் தேதி வெளியிடப்பட்டது. அதனை தொடர்ந்து தற்போது சென்னை பல்கலைக்கழகம் கடந்த நவம்பர் மாதம் நடைபெற இருந்த செமஸ்டர் தேர்வுகளுக்கான மாற்று தேதியை வெளியிட்டுள்ளது.
அதன்படி 2023 ஆம் ஆண்டு ஜனவரி 2ஆம் தேதி முதல் தேர்வுகள் தொடங்கும் என அறிவிக்கப்பட்டுள்ளது. இந்த தேர்வுகள் ஜனவரி 11ஆம் தேதி வரை நடைபெற உள்ளது. மேலும் நவம்பர் 19, டிசம்பர் 9, டிசம்பர் 10 மற்றும் டிசம்பர் 14 ஆகிய தேதிகளில் நடைபெற இருந்த தேர்வுகளுக்கான வினாத்தாள் ஏற்கனவே கல்லூரிகளுக்கு வழங்கப்பட்டுள்ளது. அதனையே கல்லூரிகள் பின்பற்றி ஜனவரி மாதம் நடைபெறும் தேர்வுகளை நடத்தி முடிக்கலாம் எனவும் அறிவிக்கப்பட்டுள்ளது.