மோகன்லால் நடித்த படங்கள் சென்ற 2 ஆண்டுகளாக தியேட்டர் மற்றும் ஓடிடி தளம் என மாறிமாறி வெளியாகியது. சில வாரங்களுக்கு முன் மோகன்லால் நடிப்பில் புலி முருகன் பட டைரக்டர் வைசாக் இயக்கத்தில் மிகப் பெரிய அளவில் எதிர்பார்ப்புடன் வெளியாகிய மான்ஸ்டர் திரைப்படம் தியேட்டர்களில் வெளியானபோது ரசிகர்களின் வரவேற்பை பெறத் தவறியது. இந்நிலையில் 12 வருடங்களுக்கு பின் டைரக்டர் ஷாஜி கைலாஷ் இயக்கத்தில் மோகன்லால் நடித்துள்ள அலோன் படம் ரிலீசுக்கு தயாராகவுள்ளது. அதே நேரம் இந்த படத்தை ஓ.டி.டி தளத்தில் வெளியிடுவதாக தான் திட்டமிட்டு தயாரிக்கப்பட்டது.
ஆனால் இப்போது தியேட்டரில் திரையிட முடிவு செய்துள்ளதாகவும், அதனால் இந்த படத்தில் ஒரு பாடல் உட்பட 30 நிமிட காட்சிகள் இன்னும் அதிகரிக்கப்பட்டு இருப்பதாகவும் தகவல் வெளியாகியுள்ளது. மொத்த திரைப்படத்தின் வேலைகள் முடிவடைந்து தணிக்கைக்கு அனுப்பப்பட்ட இந்த படத்திற்கு சென்சார் அதிகாரிகள் யு சான்றிதழ் அளித்து உள்ளனர். கொரோனா காலத்தில் கேரளாவில் இருந்து கோவைக்கு செல்ல முயற்சிக்கும் ஒருவர் எதிர்பாராத வகையில் ஒரு வீட்டில் மாட்டிக்கொள்ள நேர்கிறது. அதனை மையப்படுத்தி ஒரே ஒரு நபராக மோகன்லால் மட்டுமே நடித்திருக்கும் ஒரு சாதனை படமாக இது உருவாகி இருக்கிறது.