தமிழ் சினிமாவில் முன்னணி நடிகராக இருக்கும் நடிகர் ரஜினிகாந்த் தற்போது ஜெய்லர் என்ற திரைப்படத்தில் நடித்து வருகிறார். இந்தப் படத்தை நெல்சன் திலீப்குமார் இயக்க, ரம்யா கிருஷ்ணன், வசந்த் ரவி, யோகி பாபு உள்ளிட்டோர் முக்கிய வேடத்தில் நடிக்கிறார்கள். இந்த படத்தின் ஷூட்டிங் விறுவிறுப்பாக நடைபெற்று வரும் நிலையில் இந்த படத்திற்கு பிறகு ரஜினி லைகா நிறுவனத்தின் தயாரிப்பில் இரண்டு படங்களில் நடிக்க இருக்கிறார்.
அதன்படி ஐஸ்வர்யா ரஜினிகாந்த் இயக்கும் லால் சலாம் படத்தில் ரஜினி சிறப்பு தோற்றத்தில் நடிக்கிறார். இதனையடுத்து டான் படத்தை இயக்கிய சிபிச் சக்கரவர்த்தி இயக்கத்தில் ஒரு படத்தில் ரஜினி நடிப்பதாக கூறப்பட்டது. இந்நிலையில் சிபி சக்கரவர்த்தி சொல்லிய கதை ரஜினிக்கு பிடிக்கவில்லை என்று ஒரு புதிய தகவல் வெளியாகியுள்ளது. மேலும் இதனால் சிபி சக்கரவர்த்திக்கு பதிலாக ரஜினி படத்தை இயக்கும் வாய்ப்பு வேறு ஒரு இயக்குனருக்கு கிடைக்கலாம் என்று எதிர்பார்க்கப்படுகிறது.