“வெற்றிகரமாக ஓடிக்கொண்டிருக்கும் நாய் சேகர் ரிட்டன்ஸ்”… எம்புட்டு வசூல் தெரியுமா…?

நாய் சேகர் ரிட்டன்ஸ் திரைப்படத்தின் வசூல் குறித்த தகவல் வெளியாகி உள்ளது.

தமிழ் சினிமாவில் முன்னணி நகைச்சுவை நடிகராக வலம் வருபவர் வடிவேலு. நீண்ட இடைவெளிக்கு பிறகு இயக்குனர் சுராஜ் இயக்கத்தில் இவர் நடித்துள்ள திரைப்படம்” நாய் சேகர் ரிட்டன்ஸ்”. இந்த படத்தில் பிக்பாஸ் ஷிவானி முக்கிய கதாபாத்திரத்தில் நடித்துள்ளார். சந்தோஷ் நாராயணன் இசையமைக்கும் இந்த படத்தை லைக்கா ப்ரொடக்சன் தயாரித்துள்ளது.

இத்திரைப்படம் சென்ற 9-ம் தேதி ரிலீசானது. இந்த நிலையில் வெற்றிகரமாக படம் ஓடிக்கொண்டிருக்கின்றது. வெளியாகிய 8 நாட்களில் இத்திரைப்படம் உலக அளவில் 7.70 கோடி வசூல் செய்திருப்பதாக செய்தி வெளியாகியிருக்கின்றது. ஆனால் இது குறித்த அதிகாரப்பூர்வ அறிவிப்பை இதுவரை வெளியாகவில்லை குறிப்பிடத்தக்கது.