சென்னை எழும்பூரில் உள்ள ராணி மெய்யம்மை அரங்கில் நேற்று காரைக்குடி சந்தை நிகழ்ச்சி நடத்தப்பட்டது. இந்த நிகழ்ச்சியை வாரணாசியில் உள்ள காசி நாட்டுக்கோட்டை நரகாத்தார் சங்கத்தின் முன்னாள் துணைத்தலைவர் ஏ.எம்.கே கருப்பன் தொடங்கி வைத்துள்ளார். மேலும் இந்த நிகழ்ச்சியில் சென்னை வாழ் காரைக்குடி நகரத்தார் சங்கத்தின் தலைவர் ஏ.எல் சொக்கலிங்கம், துணைத் தலைவர் பி.எஸ்.ஆர்.எம்.ஏ சுவாமிநாதன், துணை செயலாளர் ஆர்.எம்.பி.எல் சிவராம், செயலாளர் ஏ.எம்.கே.எம் பழனியப்பன், பொருளாளர் எல்.எஸ்.பி லட்சுமணன் மற்றும் விஜி பழனியப்பன், விசாலாட்சி கணேஷ் போன்றோர் முன்னிலை வகித்துள்ளனர்.
இந்த நிகழ்ச்சியில் 90 அரங்குகள் அமைக்கப்பட்டுள்ளது. இதில் மசாலா பொடிகள், வத்தல் வகைகள், ஊறுகாய், மகளிர் தொழில் முனைவோர் தயாரித்த மரச்செக்கு எண்ணெய்கள், நொறுக்கு தீனி, திண்பண்டங்கள், வெள்ளை பணியாரம், கவுனி அரிசி அல்வா, குழி பணியாரம் உள்ளிட்ட பல்வேறு உணவுப் பொருட்கள் மற்றும் போர்வைகள், சேலைகள் உள்ளிட்ட ஜவுளி பொருட்கள், தங்கம், வைர நகைகள், அலங்காரப் பொருட்கள் உட்பட பல்வேறு வகையான பொருட்கள் இடம்பெற்றுள்ளது. காலை 10 மணி முதல் இரவு 8 மணி வரை நடைபெற்ற இந்த நிகழ்ச்சியில் ஏராளமான பொதுமக்கள் கலந்துகொண்டு தங்களுக்கு தேவையான பொருட்களை வாங்கி சென்றுள்ளனர்.