செய்தியாளர்களிடம் பேசிய முன்னாள் அமைச்சர் ஜெயக்குமார், சசிகலா அதிமுகவை ஒருங்கிணைக்க இவங்க யாரு ? இவங்களும் அண்ணா திமுகவுக்கும் என்ன சம்பந்தம் ? இருக்கு பலமுறை சொல்லிட்டேன். இவங்க வேணா டிடிவி, ஓபிஎஸ், சசிகலா ஆகிய 3பேர் மட்டும் ஒன்றிணையலாமே தவிர, எங்களை சொல்லவில்லை.
ஆடு நனையுதுன்னு ஓணான் அழுக கூடாது. எங்க கட்சியில எந்த பிரச்சனையும் இல்ல. இன்னைக்கு அண்ணன் எடப்பாடியார் தலைமையில் ஒரு எழுச்சியா கட்சி போய்கிட்டு இருக்க கூடிய நிலையில, சசிகலாவின் கருத்தை யாருமே ஏற்றுக்கொள்ள மாட்டார்கள். நிச்சயமாக தேவையில்லாத ஒரு கருத்து.
அதனால இது எள்ளி நகையாடக்கூடிய கருத்தாக தான் பார்க்கின்றோம். இவுங்க என்னவோ ஐநா சபை தலைவர் மாதிரி, உலக நாடுகளுக்கு சண்டை ஏற்பட்டால் நான் வந்து தீர்த்து வைக்கிற மாதிரி… இங்க சண்டையும் இல்ல, ஒன்னும் இல்ல. சில பேர் போனாங்க. அதெல்லாம் பார்த்த வேஸ்ட் லக்கேஜ் மாதிரி எல்லாம் போச்சுங்க… அதெல்லாம் பெருசா எடுத்துக்க கூடாது என தெரிவித்தார்.