மத்திய அரசின் சார்பாக நாடு முழுவதும் ‘சுஷாசன் சப்தா’ எனப்படும் நல்ல நிர்வாக வாரம் கடைபிடிக்கப்படுகிறது. இது குறித்து மத்திய பணியாளர் நலத்துறை நேற்று வெளியிட்டுள்ள செய்தி குறிப்பில் கூறப்பட்டிருப்பதாவது, “இதில் பொதுமக்கள் குறை தீர்ப்பு அரசு சேவைகள் மேம்பாடு போன்றவற்றில் கவனம் செலுத்தப்படுகிறது. அந்த வகையில் கடந்த 19-ஆம் தேதி முதல் 25-ஆம் தேதி வரை இரண்டாவது வார நல்ல நிர்வாகம் கடைபிடிக்கப்பட்டது.
இந்நிலையில் “கிராமத்தை நோக்கி நிர்வாகம்” எனும் கருப்பொருளில் கடைபிடிக்கப்பட்ட இந்த வாரத்தில் 53.8 லட்சம் பொதுமக்கள் குறைகள் நிவர்த்தி செய்யப்பட்டுள்ளது. மேலும் அரசு சேவை தொடர்பான 3 கோடியே 10 லட்சம் விண்ணப்பங்கள் மீது நடவடிக்கை எடுக்கப்பட்டுள்ளது” என அதில் கூறப்பட்டுள்ளது.