இன்றைய பஞ்சாங்கம்
20-03-2020, பங்குனி 07, வெள்ளிக்கிழமை,
நாள் முழுவதும் தேய்பிறை துவாதசி திதி.
திருவோணம் நட்சத்திரம் மாலை 05.05 வரை பின்பு அவிட்டம்.
மரணயோகம் மாலை 05.05 வரை பின்பு சித்தயோகம். நேத்திரம் – 1. ஜீவன் – 1/2.
ஹயக்ரீவர் வழிபாடு நல்லது. சுபமுயற்சிகளை தவிர்க்கவும்.
இராகு காலம் – பகல் 10.30-12.00,
எம கண்டம்- மதியம் 03.00-04.30,
குளிகன் காலை 07.30 -09.00,
சுப ஹோரைகள் – காலை 06.00-08.00, காலை10.00-10.30. மதியம் 01.00-03.00, மாலை 05.00 06.00, இரவு 08.00-10.00
இன்றைய ராசிப்பலன் – 20.03.2020
மேஷம்
இன்று குடும்பத்தில் சுபசெலவுகள் செய்வதற்கான வாய்ப்புகள் உருவாகும். உறவினர்களுடன் இருந்து வந்த கருத்து வேறுபாடுகள் நீங்கும். தொழில் ரீதியாக உங்களுக்கு லாபம் அதிகரிக்கும். அலுவலகத்தில் உடன் பணிபுரிபவர்கள் சாதகமாக செயல்படுவார்கள். மறைமுக பகை நீங்கும். எண்ணி எண்ணங்கள் நிறைவேறும்.
ரிஷபம்
இன்று நீங்கள் எந்த விஷயத்திலும் நிதானமாக செயல்படுவது நல்லது. நெருங்கியவர்கள் மூலம் வீண் பிரச்சினைகள் ஏற்படலாம். வேலையில் மேலதிகாரிகளை அனுசரித்து செல்லுங்கள். உங்களுக்கு எதிர்பார்ப்புகள் நிறைவேறும். சகோதர சகோதரி வழியில் அனுகூலமான பலன்கள் கிடைக்கும்.
மிதுனம்
இன்று உங்கள் ராசிக்கு சந்திராஷ்டமம் இருப்பதால் எந்த ஒரு செயலிலும் மனக்குழப்பத்துடன் செயல்படுவீர்கள். உத்தியோகத்தில் மேலதிகாரிகளிடம் நிதானத்துடன் செய்லபடுங்கள். வெளி இடங்களில் வீண் வாக்குவாதங்களை தவிர்க்கவும். வாகனங்களில் செல்லும் போது கவனம் இருக்கட்டும்.
கடகம்
இன்று குடும்பத்தில் சுப செலவுகள் செய்ய நேரிடும். தொழில் தொடங்கும் முயற்சிகளில் இருந்த இடையூறுகள் விலகி செல்லும். நல்ல முன்னேற்றம் ஏற்படும். கொடுத்த கடன்கள் வசூலாகும். சேமிப்பு உயரும். வேலையில் மேலதிகாரிகளின் ஆதரவு மகிழ்ச்சியை தரும். இஷ்ட தெய்வ வழிபாட்டில் ஈடுபடுவீர்கள்.
சிம்மம்
இன்று நீங்கள் எந்த காரியத்தையும் வெற்றிகரமாக செய்து முடிப்பீர்கள். குடும்பத்தில் மகிழ்ச்சியான சூழ்நிலை உருவாகும். பிள்ளைகளின் படிப்பில் நல்ல முன்னேற்றம் ஏற்படும். சுபகாரிய முயற்சிகளில் வெற்றி கிட்டும். குடும்பத்துடன் வெளியூர் பயணம் சென்று வருவீர்கள். வியாபாரம் சிறப்பாக அமையும்.
கன்னி
இன்று பிள்ளைகளால் வீண் செலவுகள் ஏற்படும். வேலையில் சக ஊழியர்களால் தேவையில்லாத பிரச்சினைகள் உண்டாகும். கடின உழைப்பின் மூலம் வியாபாரத்தில் லாபம் அடையலாம். எதிர்பாராத உதவிகள் கிடைக்கும். உடனிருப்பவர்களை அனுசரித்து செல்லுங்கள், ரொம்ப நல்லது.
துலாம்
இன்று வேலையில் எதிர்பாராத சில பிரச்சினைகளை சந்திப்பீர்கள். செலவுகளை சமாளிக்க கடன் வாங்கும் சூழ்நிலைஉருவாகலாம். நண்பர்களின் உதவியால் சிக்கல்கள் கொஞ்சம் குறையும். எடுக்கும் புதிய முயற்சிகளுக்கு குடும்பத்தினர் ஆதரவு கிட்டும். எதிலும் பொறுமையாக நடந்து கொள்ளுங்கள்.
விருச்சிகம்
இன்று உறவினர்கள் வருகையால் குடும்பத்தில் மகிழ்ச்சி பிறக்கும். பிள்ளைகளின் கல்விக்கான புதிய முயற்சிகள் வெற்றியாகும். தொழில் சம்மந்தமாக பொருளாதாரம் சிறப்பாக அமையும். வேலையில் மேலதிகாரிகளால் அனுகூலம் கிட்டும். சிலருக்கு புதிய வண்டி வாகனம் வாங்கும் யோகம் உண்டாகும்.
தனுசு
இன்று உடல் ஆரோக்கியத்தில் பாதிப்புகள் கொஞ்சம் ஏற்படும். செய்யும் செயல்களில் சோர்வு உண்டாகும். உடன் பிறந்தவர்களுடன் ஒற்றுமை குறையும். வியாபாரம் தொடர்பாக மேற்கொள்ளும் பயணங்களில் அலைச்சலுக்கு பிறகே லாபம் கிடைக்கும். பெரிய மனிதர்களின் ஆதரவு கிடைக்கும்.
மகரம்
இன்று பிள்ளைகளால் மகிழ்ச்சி தரும் செய்திகள் வந்து சேரும். விலை உயர்ந்த பொருட்கள் வாங்குவீர்கள். வேலையில் எதிர்பார்த்த இடமாற்றம் கிடைக்கும். புதிய தொழில் தொடங்கும் முயற்சிகளில் நல்ல முன்னேற்றம் இருக்கும். வெளியூரிலிருந்து வரவேண்டிய தொகை வந்து சேரும்.
கும்பம்
இன்று குடும்பத்தில் ஒற்றுமை இல்லாமல்இருக்கும். சிலருக்கு எதிர்பார்த்த வங்கி கடன் கிடைப்பதில் சில இடையூறுகள் ஏற்படலாம். பெரிய மனிதர்களின் ஆதரவால் அனுகூலம் உண்டாகும். வியாபாரத்தில் கூட்டாளிகளை அனுசரித்து சென்றால் முன்னேற்றம் ஏற்படும். வருமானம் பெருகும்.
மீனம்
இன்று நீங்கள் எந்த செயலையும் மனமகிழ்ச்சியுடன் செய்வீர்கள். பிள்ளைகளிடம் அனுகூலமாக இருப்பீர்கள். தொழிலில் புதிய ஒப்பந்தங்கள் கைகூடும். புதிய வாய்ப்புகள் உருவாகும். நண்பர்களின் சந்திப்பு கிடைக்கும். உடல் ஆரோக்கியம் சீராகும். வீட்டு தேவைகள் பூர்த்தியாகும்.