கொரோனா தடுப்பு நவடிக்கைக்காக நடிகர் சிவகார்த்திகேயன் முதல்வரின் பொது நிவாரண நிதிக்கு ரூ.25 லட்சம் வழங்கினார்.
தமிழகத்தில் வேகமாக பரவி வரும் கொரோனா வைரசால் இதுவரை 70 பேர் பாதிக்கப்பட்டுள்ளனர். இதில் ஒருவர் உயிரிழந்த நிலையில் 6 பேர் குணமடைந்து வீடு திரும்பியுள்ளனர். கொரோனாவை கட்டுப்படுத்த தமிழக அரசு பல்வேறு வகைகளில் நிவாரணம் மற்றும் தடுப்புப் பணிகளை மேற்கொண்டு வருகிறது. இதற்காக தமிழக அரசு சார்பில் ரூ. 3,780 கோடி சிறப்பு நிவாரண நிதி ஒதுக்கீடு செய்யப்பட்டுள்ளது.
மேலும் தமிழக முதல்வர் பழனிசாமி ரூ. 9,000 கோடி நிதி கேட்டு பிரதமருக்கு கடிதமும் எழுதியுள்ளார்.தமிழகத்தில் கொரோனா நோய் தடுப்பு நடவடிக்கையை மேற்கொண்டுள்ள முதலமைச்சரின் பொது நிவாரண நிதிக்கு தங்களால் இயன்ற பங்களிப்பை பொதுமக்கள் அளிக்கலாம் என்ற கோரிக்கையை முதல்வர் வைத்திருந்தார்.
இந்நிலையில் முதல்வரின் பொதுநிவரான நிதிக்கு அரசியல் கட்சி தலைவர்கள், நிறுவனங்கள் உட்பட பல்வேறு தரப்பினரும் நிதி வழங்கி வருகின்றனர். அந்தவகையில் கொரோனா தடுப்பு நவடிக்கைக்காக முதல்வரின் பொது நிவாரண நிதிக்காக நடிகர் சிவகார்த்திகேயன் ரூ 25 லட்சம் நன்கொடை வழங்கியுள்ளார்.