பெரும் பரபரப்பை ஏற்படுத்திய பொள்ளாச்சி பாலியல் சம்பவத்தை CBCID விசாரணைக்கு DGP உத்தரவிட்டுள்ளார்.
பொள்ளாச்சி பாலியல் கும்பல் நடத்திய அட்டூழியம் கடந்த மாதம் முதலில் ஒரு பெண் கொடுத்த புகாரில் தான் இந்த விவகாரம் வெளிவந்தது . பாதிக்கப்பட்ட பெண் அந்த கும்பலிடம் முழுமையாக சிக்குவதற்கு முன்பாக அந்தப் பெண் வீட்டில் வந்து தெரிவித்து இதுகுறித்து காவல் நிலையத்தில் கொடுக்கப்பட்ட புகாரில் கைது செய்யப்பட்டவரிடம் நடத்திய விசாரணையில் 4 பேர் கொண்ட பாலியல் கும்பல் சிக்கியது.மேலும் இந்த கும்பலின் செல்போனில் இருந்த படங்களின் அடிப்படையில் இவர்களின் தொடர் அட்டூழியம் வெளிஉலகிற்கு தெரியவந்தது.
மேலும் இந்த பாலியல் குற்றவாளிகள் வெளியிட்ட 2 வீடியோவில் பெண்கள் பெண்கள் அழுது கதறுவது போன்ற வீடியோ பெரும் அதிர்ச்சியை ஏற்படுத்தியது . மேலும் குற்றவாளிகள் மீது கடும் நடவடிக்கை எடுக்க வேண்டும் என்ற கோரிக்கையும் எழுந்தது . இந்த விவகாரத்தில் பல்வேறு அரசியல் கட்சி தலைவர்கள் கண்டனம் தெரிவித்து அரசியல் அழுத்தம் கொடுத்ததால் குற்றவாளிகள் 4 பேர் மீது குண்டர் சட்டம் பாய்ந்தது.இந்நிலையில் இந்த வழக்கை CBCID போலீஸ் விசாரணைக்கு D.G.P உத்தரவிட்டுள்ளார்.