கொரோனா நோய் தொற்று காரணமாக தற்போதைய நிலைமையைக் கருத்தில் கொண்டு, I- ம் வகுப்பு முதல் VIII ம் வகுப்பு வரை படிக்கும் அனைத்து சிபிஎஸ்சி (CBSE) பள்ளி மாணவர்களும் அடுத்த வகுப்பிற்கு உயர்த்தப்பட வேண்டும் என மத்திய மனிதவள மேம்பாட்டு அமைச்சர் டாக்டர் ரமேஷ் போக்ரியால் நிஷாங்க் கேட்டுக்கொண்டுள்ளார். அதேபோல IX முதல் XI வகுப்பு மாணவர்களை உள் மதிப்பீட்டின் அடிப்படையில் அடுத்த வகுப்புகளுக்கு உயர்த்த வேண்டும் என கோரிக்கை வைத்துள்ளார். மேலும் இந்த முறை பதவி உயர்வு பெறாத 9ம் வகுப்பு மற்றும் 11ம் வகுப்பு மாணவர்கள் ஆன்லைனில் அல்லது ஆஃப்லைனில் பள்ளி அடிப்படையிலான சோதனைகளில் பங்குபெறலாம் என்றும் அவர் யோசனை வழங்கியுள்ளார்.
வருடந்தோறும் பள்ளிகளில் இறுதித் தேர்வுகள் வழக்கமாக பிப்ரவரி மற்றும் மார்ச் மாதங்களில் நடைபெறும். புதிய அமர்வு பொதுவாக ஏப்ரல் மாதத்தில் தொடங்குவது வழக்கம். ஆனால் கொரோனா வைரஸ் அச்சுறுத்தல் காரணமாக தற்போது அனைத்து கல்வி நிறுவனங்களும் இந்தியாவில் மூடப்பட்டுள்ளன. அனைத்து பள்ளிகளும் குறிப்பிட்ட காலத்திற்கு மூடப்பட்டுள்ளன. பெரும்பாலான நிறுவனங்களில் இறுதித் தேர்வுகள் இன்னும் முடிக்கப்படவில்லை. இருப்பினும் கொரோனா பாதிப்பு காரணமாக பல்வேறு மாநிலங்களில் உள்ள பள்ளிக்கல்வித்துறை மாணவர்களை ஆல்பாஸ் செய்துள்ளது. இந்த நிலையில், முதலாம் வகுப்பு முதல் எட்டாம் வகுப்பு வரை அனைத்து மாணவர்களையும் பெருமளவில் ஊக்குவிப்பதற்கான வழிமுறைகளை போக்ரியால் வெளியிட்டுள்ளார்.