இட்லி, தோசை, சப்பாத்தி, பூரி என அனைத்திற்குமே ஏத்த ஒரு சைடிஷ் தான்கடலை மாவு சட்னி. அது கடலை மாவு கொண்டு தயாரிக்கப்படுவதாகும். அதன் சுவை அற்புதமாக இருப்பதோடு, செய்வதற்கு ஈஸியாகவும் இருக்கும்.
கடலை மாவு சட்னி செய்ய தேவையான பொருட்கள்:
கடலை மாவு – 1 டேபிள் ஸ்பூன்
மஞ்சள் தூள் – 3/4 டீஸ்பூன்
தண்ணீர் – 1 கப்
கொத்தமல்லி – சிறிது (நறுக்கியது)
உப்பு – சுவைக்கேற்ப
வெங்காயம் – 1 (பொடியாக நறுக்கியது)
தக்காளி – 1 (நறுக்கியது)
தாளிப்பதற்கு தேவையானவை:
கடுகு – 1 டீஸ்பூன்
கடலை பருப்பு – 1 டேபிள் ஸ்பூன்
பச்சை மிளகாய் – 1
கறிவேப்பிலை – சிறிது
எண்ணெய் – 1 டேபிள் ஸ்பூன்
பெருங்காயத் தூள் – 1 சிட்டிகை
செய்முறை:
ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், தாளிப்பதற்கு கொடுத்துள்ள பொருட்களை சேர்த்து தாளிக்கவும்.
பின் அதன்னுடன் வெங்காயம், தக்காளி, உப்பு சிறிது தூவி நன்கு மென்மையாக வதக்கவும். பின்பு மஞ்சள் தூள் மற்றும் கடலை மாவை சேர்த்து 2 நிமிடம் கிளறி விடவும்.
பிறகு 1 கப் நீர் ஊற்றி, தேவையான அளவு உப்பு சேர்த்து குறைவான தீயில் மூடி வைத்து கொதிக்க வைக்கவும். கிரேவி சற்று கெட்டியாகி பச்சை வாசனை போனதும், இறுதியில் கொத்தமல்லியைத் தூவி இறக்கினால், சுவையானகடலை மாவு சட்னி தயார்.