லண்டனில் வடமேற்கு பகுதியில் கால்வாய் பகுதியில் பிறந்த குழந்தை ஒன்று இறந்து கண்ணீரில் மிதந்த சம்பவம் அதிர்ச்சியை ஏற்படுத்தியுள்ளது.
லண்டனில் ஓல்டு ஓக் லேன் அருகில் Willesden மற்றும் Park Royal இடையில் உள்ள கால்வாய் பகுதியில் ஞாயிற்றுக்கிழமை மதியம் 1.15 மணியளவில் பிறந்த குழந்தை சடலம் ஓன்று கிடந்துள்ளது. இதனை கண்ட அப்பகுதி மக்கள் உடனடியாக போலீசாருக்கு தகவல் தெரிவித்துள்ளனர். இந்த தகவலின் பேரில் போலீசார் மற்றும் தீயணைப்பு துறையினர் சம்பவ இடத்திற்கு விரைந்து வந்து குழந்தையின் சடலத்தை மீட்டுள்ளனர்.
மேலும் 999 தொலைபேசி எண்ணில் தொடர்பு கொண்டு குழந்தையின் தாயை கண்டுபிடிக்கும் முயற்சியில் ஈடுபட்டுள்ளனர். இதனையடுத்து சம்பவம் நடந்த இடத்தை சுற்றி வளைக்கப்பட்டு போலீசார் குவிக்கப்பட்டுள்ளனர். மேலும் குழந்தையின் தாயை அடையாளம் காண்பதற்கு இங்கிலாந்து முழுவதும் உள்ள காவல் நிலையங்களில் குழந்தை காணாமல் போனதாக புகார் கொடுக்கப்பட்டுள்ளதா என லண்டன் போலீசார் தீவிர விசாரணையில் ஈடுபட்டு வருகின்றனர்.