இனப்பெருக்க காலம் தொடங்கி விட்டதால் ஏராளமான வண்ணத்துப்பூச்சிகள் வனப்பகுதியில் காணப்படுகின்றது.
கோயம்புத்தூர் மாவட்டத்திலுள்ள சிறுவாணி, ஆழியாறு, மேட்டுப்பாளையம், சர்க்கார்பதி போன்ற பகுதிகளில் ஏராளமான வண்ணத்துப்பூச்சிகள் இருக்கின்றன. இந்த வண்ணத்துப் பூச்சிகள் கூட்டமாக அமர்ந்து தங்களுக்கு தேவையான சத்துக்களை மழைக்காலத்தில் அடித்து வரப்பட்டு தேங்கிக்கிடக்கும் மண்ணிலிருந்து எடுத்துக் கொள்கின்றன.
இந்நிலையில் வண்ணத்துப்பூச்சிகளின் இனப்பெருக்க காலம் தொடங்கிவிட்டதால் இப்பகுதிகளில் வண்ணத்துப்பூச்சிகள் அதிக அளவில் காணப்படுகிறது, மேலும் வண்ணத்துப் பூச்சிகளுக்கு என்று ஆழியாறு வனத்துறை சோதனை சாவடியில் ஒரு தனி பூங்கா அமைக்கப்பட்டுள்ளது. இதனையடுத்து இந்த பூங்காவில் வண்ணத்துப் பூச்சிகளுக்கு ஏற்ற பூச்செடிகள் நடவு செய்யப்பட்டு உள்ளதால் ஏராளமான வண்ணத்துப்பூச்சிகள் அங்கு காணப்படுகின்றன.