ஒரே நேரத்தில் இரண்டு பெண்களுக்கு நிச்சயதார்த்த மோதிரம் வாங்கிய நபர் குறித்து டிக்டாக்கில் வந்த செய்தியால் பரபரப்பு ஏற்பட்டுள்ளது.
மொன்றியலில் jake என்ற நபர் 45 டாலர் மதிப்புள்ள ஒரு மோதிரத்தையும் 50 டாலர் மதிப்புள்ள மற்றொரு மோதிரத்தையும் வாங்கியுள்ளார். இது குறித்து நகைக்கடை ஊழியரான Eli என்ற பெண்ணிடம் ஒரு மோதிரம் தனது காதலுக்கு என்றும் மற்றொரு மோதிரம் தான் தவறாக உறவு வைத்திருக்கும் பெண்ணுக்கு என்றும் கூறியிருக்கிறார். இதனை அடுத்து கடை ஊழியரான Eli அந்த இரண்டு பெண்களையும் காப்பாற்ற முடிவு செய்துள்ளார்.
அதனால் தனது வேலையை விட்டுள்ளார். மேலும் அந்த மோதிரங்களின் படங்களை தனது டிக் டாக் பக்கத்தில் வெளியிட்டதோடு அந்தப் பெண்களுக்கு ஒரு செய்தியை தெரிவித்துள்ளார். அவர் அந்த டிக் டாக் பக்கத்தில் கூறியதாவது “உங்கள் காதலனின் பெயர் jake என்றால், அவர் மொன்றியலில் வாழ்கிறார் என்றால், உங்களுக்கு ஒரு செய்தி. அவர் ஒரே நேரத்தில் இரண்டு நிச்சயதார்த்த மோதிரங்களை வாங்கியுள்ளார்.
அதில் ஒன்று தான் காதலிக்கும் பெண்ணுக்கு என்றும் மற்றொன்று அவர் தகாத உறவு வைத்திருக்கும் பெண்ணுக்கு என்றும் கூறி உள்ளார். இதுதான் அந்த மோதிரங்கள். நீங்கள் இவரைவிட சிறந்த காதலனை அடையும் தகுதியுள்ளவர்கள் என்று நான் நினைக்கிறேன்” என அதில் எழுதியுள்ளார். இந்த டிக் டாக் பதிவை பார்த்த நபர்கள் Eliக்கு பாராட்டு தெரிவித்து வருகின்றனர்.
இந்நிலையில் ஒரு பெண் தனது தோழியின் காதலனின் பெயர் jake என்றும், என் தோழிக்கு அந்த மோதிரம் கிடைத்துவிட்டது என்றும் கூறியுள்ளார். மேலும் நீங்கள் கூறிய நபர் இவராக இருப்பதற்கு 100% வாய்ப்பு உள்ளதாகவும் இதைப் பற்றி நான் எனது தோழியிடம் கூறியிருக்கிறேன் என அந்த பெண் கூறியுள்ளார். மேலும் உங்களுக்கு நாங்கள் மிகவும் கடமைப்பட்டிருக்கிறோம், மிக்க நன்றி என அந்தப் பதிவில் தெரிவித்துள்ளார்.