உலகின் நம்பர் ஒன் பணக்காரராக திகழ்பவர் எலான் மஸ்க். டெஸ்லா நிறுவனத்தின் சிஇஓ ஆன எலான் மஸ்க் அண்மையில் டுவிட்டர் நிறுவனத்தை வாங்கியுள்ளார். எலான் மஸ்க் டுவிட்டர் நிறுவனத்தின் தலைமையகத்தில் சென்று பதவி ஏற்ற உடனே சிஇஒ பராக் அகர்வால் உள்ளிட்ட சில முக்கிய நிர்வாகிகளை பணி நீக்கம் செய்தார். இந்நிலையில் மதுரை மாவட்டத்தில் உள்ள உசிலம்பட்டி பகுதியில் நேற்று வால் நட்சத்திரம் போன்று ஏதோ ஒரு ஒளி வானில் தோன்றியுள்ளது.
அதை மக்கள் ஆர்வத்துடன் பார்த்ததோடு செல்போனில் புகைப்படம் மற்றும் வீடியோ எடுத்து இணையதளத்தில் பகிர்ந்துள்ளனர். வானில் தெரிந்த ஒளியானது Space x நிறுவனத்தின் ஸ்டார்லிங்க் செயற்கை கோள்களின் தொகுப்பு என்று சொல்லப்படுகிறது. ஸ்பேஸ் எக்ஸ் நிறுவனம் ஆனது எலான் மஸ்க்குக்கு சொந்தமானது ஆகும். மேலும் ரயில் போன்று வரிசையாக விண்ணில் தோன்றிய வால் நட்சத்திரம் போன்ற ஒளி தொடர்பான புகைப்படங்கள் மற்றும் வீடியோக்கள் தற்போது இணையதளத்தில் வைரலாகி வருகிறது.
