மும்பையிலிருந்து கொரோனாவுடன் திரும்பிய வாலிபர் பலி..!!

விழுப்புரம் மாவட்டம் பெரியசெவலை பகுதியைச் சேர்ந்த 29 வயது மதிக்கத்தக்க வாலிபர் ஒருவர், மகாராஷ்டிரா மாநிலம் மும்பையில் தங்கியிருந்து கூலி வேலை பார்த்து வந்தார். இந்நிலையில் கொரோனா அச்சம் காரணமாக கடந்த 28ஆம் தேதி இரயில் மூலம் மும்பையில் இருந்து விழுப்புரம் வந்த இவருக்கு, சோதனை செய்ததில் கொரோனா தொற்று இருப்பது உறுதி செய்யப்பட்டது.

அதனைத்தொடர்ந்து விழுப்புரம் அரசு மருத்துவக் கல்லூரி மருத்துவமனையில் அந்த வாலிபர் அனுமதிக்கப்பட்டு சிகிச்சைப் பெற்று வந்தார். இந்நிலையில் அவர் சிகிச்சை பலனளிக்காமல்  இன்று காலை பலியானார். இதையடுத்து சுகாதாரத்துறை அலுவலர்களின் வழிகாட்டுதலின்படி, அந்த வாலிபரின் உடலை அடக்கம் செய்யும் பணிகள் தீவிரமாக நடைபெற்று வருகிறது.