தமிழ் சினிமாவில் பிரபலமான நடிகராக வலம் வருபவர் கமல்ஹாசன். இவர் தற்போது சங்கர் இயக்கத்தில் இந்தியன் 2 படத்தில் நடித்து வருவதோடு, மணிரத்தினம் மற்றும் எச். வினோத் இயக்கத்தில் புதிய படங்களில் நடிப்பதற்கு ஒப்பந்தமாகியுள்ளார். இந்நிலையில் நடிகர் கமல்ஹாசனை இயக்குனர் ராஜமவுலி, இயக்குனர் கௌதம் மேனன், இயக்குனர் லோகேஷ் கனகராஜ், நடிகர் பிரித்திவிராஜ் மற்றும் தயாரிப்பாளர் ஸ்வப்னா தத் சனிசலா ஆகியோர் சந்தித்துள்ளனர்.
இந்த புகைப்படத்தை நடிகர் பிரித்திவிராஜ் தன்னுடைய சமூக வலைதள பக்கத்தில் பதிவிட்டுள்ள நிலையில், பலரும் எங்கு? எதற்காக? எப்போது சந்தித்தீர்கள் என்று கேள்வி எழுப்பி வருகிறார்கள். இந்த புகைப்படத்திற்கு 4 லட்சம் லைக்குகளும் குவிந்துள்ளது. மேலும் சினிமாவின் மாஸ் இயக்குனர்கள் மற்றும் மாஸ் நடிகர்கள் ஒன்றாக சந்தித்தது ரசிகர்கள் மத்தியில் ஆச்சரியத்தையும் எதிர்பார்ப்பையும் ஏற்படுத்தியுள்ளது.