ஆற்றை கடக்க முயற்சி செய்த விவசாயி உயிரிழந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்திலுள்ள ஆனந்தபுரம் பகுதியில் மோகனசுந்தரம் என்பவர் வசித்து வந்துள்ளார். இவர் ஒரு விவசாயி. இந்நிலையில் தனது விவசாய நிலத்திற்கு சென்று விட்டு மாலை நேரத்தில் வீட்டிற்கு திரும்பிய போது வழியில் இருந்த ஆற்றை கடக்க முயற்சி செய்துள்ளார். அப்போது கனமழை பெய்த காரணத்தினால் ஆற்றில் வெள்ளம் ஏற்பட்ட நிலையில் இதனை அறியாத மோகனசுந்தரம் தண்ணீரில் இறங்கியது தெரியவந்துள்ளது.
அதன்பின் தண்ணீர் அதிகமாக இருந்ததால் மோகனசுந்தரம் வெள்ளத்தில் அடித்துச் செல்லப்பட்டுள்ளார். இது பற்றி தகவல் அறிந்த பேரிடர் மீட்பு பணியினர் மோகன சுந்தரத்தின் உடலை மீட்டு கரைக்கு எடுத்து வந்துள்ளனர். இதனைத் தொடர்ந்து சம்பவ இடத்திற்கு விரைந்து சென்ற காவல்துறையினர் மோகனசுந்தரத்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.