ஆற்றுக்குள் விழுந்த காரில் பயணித்த 7 பேர் பரிதமாக உயிரிழந்த சம்பவம் அதிர்ச்சியை ஏற்படுத்தியுள்ளது.
பாகிஸ்தான் நாட்டின் இஸ்லாமாபாத் நகரில் கடந்த வெள்ளிக்கிழமை அன்று இரவு ஒரே குடும்பத்தை சேர்ந்த 7 பேர் திருமண நிகழ்ச்சியில் பங்கேற்று உள்ளனர். திருமணத்திற்கு பின் அனைவரும் ஒரு காரில் வீடு திரும்பியுள்ளனர். இந்த காரில் 4 பெண்கள் மற்றும் 2 குழந்தைகள் உட்பட ஒரு ஆணும் பயணம் செய்துள்ளனர்.
இதனையடுத்து இரவு நேரம் பாலத்தில் கார் சென்று கொண்டிருந்தபோது ஓட்டுநர் கட்டுப்பாட்டை இழந்துள்ளார். இதனால் கார் பாலத்தின் கீழே உள்ள ஆற்றில் விழுந்து விபத்துக்குள்ளானது. மேலும் விபத்து இரவு நேரத்தில் ஏற்பட்டுள்ளதால் யாருக்கும் தகவல் தெரியவில்லை.
இந்த நிலையில் நேற்று அந்த காரை ஆற்றுநீர் அடித்துச் சென்றுள்ளது. இதனை கண்ட பொதுமக்கள் உடனடியாக மீட்புக் குழுவினருக்கு தகவல் அளித்துள்ளனர். இதனை அடுத்து மீட்பு குழுவினர் சம்பவ இடத்திற்கு விரைந்து ஆற்றிலிருந்து காரை வெளியே எடுத்துள்ளனர். இந்த சம்பவத்தில் காரில் பயணித்த ஒரே குடும்பத்தை சேர்ந்த 7 பேர் ஆற்றில் மூழ்கி பரிதாபமாக உயிரிழந்துள்ளனர். தற்போது இந்த விபத்து குறித்து போலீசார் தீவிரமாக விசாரணை நடத்தி வருகின்றனர்.