தமிழ் சினிமாவில் முன்னணி நடிகராக வலம் வருபவர் அஜித். இவர் தனக்கென்று தனி ரசிகர் பட்டாளத்தையே உருவாக்கி உள்ளார். இவர் வலிமை படத்திற்கு பிறகும் மீண்டும் எச்.வினோத் இயக்கத்தில் போனி கபூரின் தயாரிப்பில் “துணிவு” படத்தில் நடித்து வருகிறார். இதில் மஞ்சு வாரியர், சமுத்திரகனி, ஜி.எம். சுந்தர், மகாநதி சங்கர் ஆகியோர் முக்கிய கதாபாத்திரத்தில் நடிக்கின்றனர். மேலும் இந்த படம் உண்மை சம்பவத்தை அடிப்படையாகக் கொண்டு எடுக்கப்பட்டுள்ளது. துணிவு திரைப்படம் அடுத்த ஆண்டு பொங்கலுக்கு வெளியாகும் என்று அதிகாரப்பூர்வமாக அறிவிக்கப்பட்டுள்ளது.
அதே நேரத்தில் விஜயின் வாரிசு திரைப்படம் பொங்கலுக்கு வெளியாக இருப்பதால் ரசிகர்கள் மிகுந்த எதிர்பார்ப்பில் இருக்கின்றனர். இந்நிலையில் துணிவு படத்தின் CG வேலைகள் நிறைய இருப்பதால் பொங்களுக்கு இந்த படம் வெளியாகுமா? என்று சந்தேகமாக உள்ளது என பட குழுவினர் அஜித்திடம் தெரிவித்துள்ளனர். இதனை கேட்டு கோபமடைந்த அஜித் பொங்களுக்கு துணிவு திரைப்படம் வெளியாக வேண்டும் என்று கண்டிப்பாக கூறிவிட்டாராம். இதனால் படக்குழுவினர் இரவு பகல் பாராமல் உழைத்து வருவதாக தகவல் வெளியாகி உள்ளது.