டிராக்டர் கவிழ்ந்து ஒருவர் பலியான சம்பவம் குறித்து காவல்துறையினர் விசாரணை நடத்தி வருகின்றனர்.
கரூர் மாவட்டத்தில் உள்ள நல்லூர் பகுதியை சேர்ந்தவர் விஜயகுமார். இவர் நேற்று முன்தினம் அவருடைய டிராக்டரில் நெல் மூட்டைகளை ஏற்றிக்கொண்டு தளிஞ்சிக்கு சென்றுள்ளார். அப்போது தளிஞ்சி சாலையில் உள்ள வளைவில் திரும்பும் போது டிராக்டர் சாலையின் ஓரத்தில் கவிழ்ந்தது. இதில் விஜயகுமார் படுகாயமடைந்து சம்பவ இடத்திலேயே பரிதாபமாக உயிரிழந்தார்.
அந்த வழியாக சென்றவர்கள் குளித்தலை காவல் துறையினருக்கு தகவல் தெரிவித்தனர். இந்த தகவலின் பேரில் காவல்துறையினர் சம்பவ இடத்திற்கு விரைந்து வந்து விஜயகுமாரின் உடலை மீட்டு பிரேத பரிசோதனைக்காக குளித்தலை அரசு மருத்துவமனைக்கு அனுப்பி வைத்தனர். இதுகுறித்து காவல்துறையினர் தீவிர விசாரணை நடத்தி வருகின்றனர்.