லாரி மீது கார் மோதிய விபத்தில் டி.வி. மெக்கானிக் உயிரிழந்த சம்பவம் சோகத்தை ஏற்படுத்தியுள்ளது.
நீலகிரி மாவட்டத்தில் உள்ள ஆரோட்டுப்பாறைப் பகுதியில் சுப்பிரமணியன் என்பவர் வசித்து வருகிறார். இவருக்கு விஜய் என்ற மகன் இருந்துள்ளார். இவர் டி.வி. மெக்கானிக்காக வேலை பார்த்து வந்துள்ளார். இந்நிலையில் விஜய் அவரது நண்பர்களான அதே பகுதியில் வசிக்கும் ஆனந்தகுமார், திவான், நேதாஜி, தரணிஷ் ஆகியோருடன் காரில் ஈரோட்டிலிருந்து கூடலூர் நோக்கி சென்று கொண்டிருந்தார்.
அப்போது நாதம்பாளையம் மேம்பாலம் அருகில் வந்து கொண்டிருந்தபோது திடீரென கட்டுப்பாட்டை இழந்த கார் முன்னால் சென்று கொண்டிருந்த லாரி மீது பயங்கரமாக மோதியது. இந்த விபத்தில் 5 பேரும் பலத்த காயமடைந்தனர். இதனை பார்த்த அக்கம் பக்கத்தினர் அவர்களை உடனடியாக மீட்டு அவினாசி அரசு மருத்துவமனைக்கு சிகிச்சைக்காக அனுமதித்தனர். அங்கு அளிக்கப்பட்ட சிகிச்சை பலனின்றி விஜய் பரிதாபமாக உயிரழந்தார். மேலும் இது குறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றனர்.