உழுவதற்காக சென்ற விவசாயி… டிராக்டரால் நேர்ந்த பரிதாபம்… சோகத்தில் குடும்பத்தினர்…!!

டிராக்டர் கவிழ்ந்து விவசாயி பலியான சம்பவம் குறித்து காவல்துறையினர் விசாரணை நடத்தி வருகின்றனர்.

திருவண்ணாமலை மாவட்டத்தில் உள்ள பெரியண்ணநல்லூர் கிராமத்தில் விவசாயி குமார் என்பவர் வாழ்ந்து வந்தார். இவருக்கு ஆனந்தி என்ற மனைவியும் 3 மகன்களும் உள்ளனர். இந்நிலையில் குமார் உழுவதற்காக வயலுக்குள்  டிராக்டரை ஓட்டிச் சென்றுள்ளார். அந்த சமயத்தில் எதிர்பாராதவிதமாக டிராக்டர் கவிழ்ந்துள்ளது.

இதில் படுகாயமடைந்த குமாரை அருகிலிருந்தவர்கள் மீட்டு ஆரணி அரசு மருத்துவமனைக்கு கொண்டு சென்றுள்ளனர். அங்கு அவரை பரிசோதித்த டாக்டர் அவர் வழியிலேயே இறந்து விட்டதாக தெரிவித்துள்ளனர். இந்த சம்பவம் குறித்து ஆரணி தாலுகா காவல்துறையினர் வழக்குப்பதிவு செய்து விசாரணை நடத்தி வருகின்றனர்.