கார்-ஆம்னி வேன் நேருக்கு நேர் மோதிக்கொண்ட விபத்தில் 12 பேர் படுகாயமடைந்துள்ளனர்.
நாமக்கல் மாவட்டத்தில் உள்ள சோழசிராமணி பகுதியில் வசித்து வருபவர் துரைசாமி. இவருடைய மனைவி ராஜாமணி இவர்கள் இருவரும் தங்கள் உறவினர்களை அழைத்துக்கொண்டு மொத்தம் 7 பேருடன் திருச்செங்கோட்டில் உள்ள கோவிலுக்கு காரில் சென்றுள்ளனர். அப்போது வேலூரை நோக்கி வடமாநிலத்தை சேர்ந்தவர்கள் ஆம்னி வேனில் வந்து கொண்டிருந்தனர்.
அந்த சமயத்தில் வேணும் காரும் நேருக்கு நேர் மோதிக்கொண்டதில் இரண்டிலும் பயணம் செய்த 12 பேர் படுகாயமடைந்துள்ளனர். இந்நிலையில் ராஜாமணி சம்பவ இடத்திலேயே உயிரிழந்துள்ளார். மேலும் இடிபாடுகளில் சிக்கியவர்களை அருகில் இருந்தவர்கள் மீட்டு உடனடியாக திருச்செங்கோடு அரசு மருத்துவமனையில் சிகிச்சைக்காக அனுமதித்துள்ளனர். இந்த விபத்து குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.