திண்டுக்கல் தாடிக்கொம்பு அருகே 70 வயது முதியவர் வாகனம் மோதி பலியான சம்பவம் சோகத்தை ஏற்படுத்தியுள்ளது.
திண்டுக்கல் மாவட்டத்தில் உள்ள தாடிக்கொம்பு அருகே திண்டுக்கல்-கரூர் நான்கு வழிச்சாலை உள்ளது. இந்த நான்கு வழிச்சாலையில் கடந்த 18-ஆம் தேதி அன்று முதியவர் ஒருவர் வாகனம் மோதி பரிதாபமாக உயிரிழந்தார். இந்த சம்பவம் குறித்து தாடிக்கொம்பு காவல்துறையினருக்கு தகவல் அளிக்கப்பட்டது.
அந்த தகவலின் பேரில் சம்பவ இடத்திற்கு விரைந்து சென்ற காவல்துறையினர் முதியவரின் உடலை கைப்பற்றி திண்டுக்கல் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் அந்த விபத்தில் இறந்தவர் எந்த ஊரை சேர்ந்தவர்? அவர் யார் ? என்பது குறித்து எந்த தகவலும் இல்லை. இந்த விபத்து குறித்து வழக்குப்பதிந்த காவல்துறையினர் தீவிர விசாரணை மேற்கொண்டு வருகின்றனர்.