சாலையில் சைக்கிள் ஓட்டிக் கொண்டு சென்ற 60 வயது முதியவர் கார் மோதியதால் காயமடைந்த சம்பவம் அதிர்ச்சியை ஏற்படுத்தியுள்ளது.
ரஷ்யாவில் 12 வயது சிறுவனுக்கு அவனது தந்தை கார் ஓட்ட கற்றுக் கொடுத்துக் கொண்டிருந்தார். அந்த சமயத்தில் 60 வயது முதியவர் தனது சைக்கிளில் அந்த சாலையில் ஓரமாக சென்று கொண்டிருந்தார். அப்போது சிறுவன் ஒட்டி வந்த கார் கட்டுப்பாட்டை இழந்து முதியவர் வந்த சைக்கிள் மீது மோதியுள்ளது.
இதில் சைக்கிளில் பயணித்த முதியவர் கீழே விழுந்து காயம் அடைந்துள்ளார். ஆனால் அவருக்கு பெரிய அடி எதுவும் ஏற்படாததால் விபத்து நடந்த இடத்திலேயே முதலுதவி அளிக்கப்பட்டு பின்னர் முதியவர் வீடு திரும்பியுள்ளார். இதனையடுத்து 12 வயது சிறுவனின் தந்தைக்கு போலீசார் முப்பதாயிரம் ரூபிள்கள் அபராதம் விதித்துள்ளனர். இந்த சம்பவம் வீடியோவாக பதிவாகிய இணையதளத்தில் வெளியாகி வைரலாகி வருகின்றது.