இயக்குனர் செல்வராகவன் ‘ஆயிரத்தில் ஒருவன்’ திரைப்படத்தின் உண்மையான பட்ஜெட்டை ட்விட்டர் மூலமாக தெரிவித்துள்ளார்.
பிரபல இயக்குனர் செல்வராகவன் இயக்கும் படங்களின் இரண்டாம் பாகம் உருவாக வேண்டும் என்று ரசிகர்கள் அதிகம் எதிர்பார்க்கின்றனர். அந்த வகையில் அவரது இயக்கத்தில் உருவான ஆயிரத்தில் ஒருவன் திரைப்படத்தின் இரண்டாம் பாகம் தயாராக இருப்பதாகவும் இப்படத்தில் நடிகர் தனுஷ் முக்கிய வேடத்தில் நடிக்க இருக்கிறார் என்றும் தகவல் வெளியானது. இந்நிலையில் இயக்குனர் செல்வராகவன் தனது ட்விட்டர் பக்கத்தில் ஆயிரத்தில் ஒருவன் திரைப்படம் குறித்த ஒரு முக்கிய தகவலை ட்விட் செய்துள்ளார்.
அதில், ஆயிரத்தில் ஒருவனின் உண்மையான பட்ஜெட் 18 கோடிகள். ஆனால் இது ஒரு மெகா பட்ஜெட் படமாக மிகைப்படுத்த 32 கோடி படமாக அறிவிக்க முடிவு செய்தோம். என்ன முட்டாள்தனம்! படம் உண்மையான பட்ஜெட்டை வசூலித்தாலும் அது சராசரியாக கருதப்பட்டது! முரண்பாடுகள் எதுவாக இருந்தாலும் பொய் சொல்லக் கற்றுக்கொள்ளவில்லை என்று பதிவிட்டுள்ளார்.