பிரிட்டனில் காரை கடத்திச் சென்ற கடத்தல்காரர்களை 15 நிமிடத்தில் பிடித்த போலீஸ்காரர்களுக்கு பாராட்டுக்கள் குவிந்து வருகிறது.
பிரிட்டனில் கடந்த சனிக்கிழமை மாலை 5 மணிக்கு நபர் ஒருவர் சாலையில் தனது காரை நிறுத்தி வைத்திருந்தார். அதில் அவருடைய இரண்டு மற்றும் நான்கு வயது ஆண் குழந்தைகள் அமர்ந்துள்ளனர். அதன்பிறகு அடையாளம் தெரியாத இரண்டு நபர்கள் அந்த காரை கடத்திச் சென்றுள்ளனர். இதனைப் பார்த்த நபர் உடனடியாக பொலிசாருக்கு புகார் அளித்தார்.
புகாரின்பேரில் போலீசார் உடனடியாக ஹெலிகாப்டர் மூலம் சென்று பார்த்தனர். அப்போது சாலையில் தவறான பாதையில் தாறுமாறாக சென்று கொண்டிருந்த கடத்தப்பட்ட காரை போலீசார் நிறுத்தினர். அதன்பின் காரை கடத்தி வந்த 15 வயதான இரண்டு சிறுவர்கள் போலீசாரிடம் இருந்து தப்பி ஓடிவிட்டனர். பின்பு போலீசார் காரையும், குழந்தைகளையும் அவரது தந்தையிடம் ஒப்படைத்தனர்.
இக்கடத்தல் செயலில் ஈடுபட்ட சிறுவர்களையும் போலீசார் கைது செய்தனர். இந்த சிறுவர்கள் இதுபோன்று வேறு எங்காவது வாகனத் திருட்டு மற்றும் கடத்தலில் ஈடுபட்டு இருக்கிறார்களா என்பது குறித்து போலீசார் விசாரணை செய்து வருகின்றனர்.மேலும் 15 நிமிடங்களில் கடத்தல்காரர்களை பிடித்த போலீசாரின் துரிதமான நடவடிக்கைக்கு பாராட்டுக்கள் குவிந்து வருகிறது.