நடிகர் கார்த்தி தமிழ் சினிமாவில் பிரபல முன்னணி நடிகராக வலம் வருகிறார். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் வெற்றியடைந்து வருகிறது. இந்த வருடத்தில் இவர் நடிப்பில் ‘பொன்னியின் செல்வன்’ மற்றும் ‘சர்தார்’ என இரண்டு படங்கள் ரிலீசாகி விட்டது.
அதில் பொன்னியின் செல்வன் திரைப்படம் 500 கோடிக்கு மேல் வசூல் சாதனை செய்துள்ளது. மேலும், சர்தார் திரைப்படம் 100 கோடிக்கு மேல் வசூல் சாதனை செய்துள்ளதாக கூறப்படுகிறது. இதனையடுத்து, நடிகர் கார்த்தி தற்போது இயக்குனர் ராஜுமுருகன் இயக்கத்தில் நடிக்கும் திரைப்படம் ”ஜப்பான்”.
இந்த படத்தின் பூஜை சமீபத்தில் நடைபெற்றது. அணு இம்மானுவேல் கதாநாயகியாக நடிக்கும் இந்த படத்திற்கு ஜி.வி. பிரகாஷ் இசையமைக்கிறார். ரவிவர்மன் ஒளிப்பதிவு செய்யும் இந்த படம் குறித்த சூப்பரான அப்டேட் வெளியாகியுள்ளது. அதன்படி, வருகிற நவம்பர் 14ஆம் தேதி இந்த படத்தின் பர்ஸ்ட் லுக் போஸ்டர் வெளியாகும் என படக்குழுவினர் அறிவித்துள்ளனர். இதனால் ரசிகர்கள் மிகுந்த எதிர்பார்ப்பில் உள்ளனர்.
