தமிழ் சினிமாவில் சமீப காலமாக முன்பு ரிலீசாகி சூப்பர் ஹிட் ஆன படங்கள் ரீ-ரிலீஸ் செய்யப்படுகிறது. அதன்படி எம்ஜிஆரின் சிரித்து வாழ வேண்டும், நடிகர் சிவாஜியின் பட்டிக்காடா பட்டணமா போன்ற திரைப்படங்கள் சமீபத்தில் ரீ-ரிலீஸ் செய்யப்பட்டு நல்ல வரவேற்பை பெற்றது. அந்த வகையில் நடிகர் ரஜினிகாந்த் நடிப்பில் வெளியான பாபா திரைப்படமும் ரஜினியின் பிறந்தநாளை முன்னிட்டு ரீ-ரிலீஸ் செய்யப்படுகிறது. இந்த படம் டிசம்பர் 10-ஆம் தேதி நவீன டிஜிட்டல் தொழில்நுட்பத்தில் மீண்டும் ரீ-ரிலீஸ் செய்யப்படுகிறது.
இந்நிலையில் ரஜினி மற்றும் ஸ்ரேயா லீடிங் ரோலில் நடித்து, சங்கர் இயக்கத்தில் வெளியான சிவாஜி திரைப்படம் சூப்பர் ஹிட் ஆன நிலையில் இப்படத்தையும் ரீ-ரிலீஸ் செய்ய திட்டமிட்டுள்ளனர். கடந்த 2007-ம் ஆண்டு வெளியான சிவாஜி திரைப்படத்தை ஏவிஎம் நிறுவனம் தயாரித்திருந்தது. இந்த படம் அப்போது நல்ல வரவேற்பை பெற்ற நிலையில், மீண்டும் ரீ.ரிலீஸ் செய்வது ரசிகர்கள் மத்தியில் ஆவலை ஏற்படுத்தியுள்ளது. மேலும் இப்படம் மல்டிபிளக்ஸ் தியேட்டர்கள், பிவிஆர், சினி பொலிஸ் ஆகிய தியேட்டர்களில் டிசம்பர் 9-ஆம் தேதி முதல் 15-ஆம் தேதி வரை திரையிடப்படுகிறது.